Lulu豬病，中醫爸爸急爆煲！(二） | 小兒推拿嘅奇妙時刻
Lulu豬除咗發燒之外仲話頭痛！
係，三歲嘅人仔居然同我講：「爸爸，我頭痛呀！」😱
作為中醫爸爸，當然即刻安排 小兒推拿！
分別點按 風池穴 同 太陽穴，每個穴位左右交替點按 3分鐘，手法一定要輕柔。
睇住佢由眉角緊皺，到慢慢鬆開，再到瞓著… 終於鬆咗一口氣！😌
Lulu豬平時精力旺盛，邊有可能肯坐定俾我按？但病咗反而乖乖配合！
呢個時候按摩時間就唔係問題啦，但記住一定要用 輕柔手法，細路嘅皮膚同穴位都比較敏感，按得太大力反而會有反效果！
結果，Lulu豬唔單止冇掙扎，仲話：「好舒服呀！」✨
頭痛明顯減輕，攞到唔錯效果！
想試嘅家長們注意：
- 對住小朋友一定要輕手，唔係越大力越好。
- 可以一邊輕聲安撫，一邊慢慢點按穴位，令佢哋放鬆。
下次會分享退燒嘅推拿穴位，幫小朋友更快舒緩唔舒服嘅症狀。
而家…終於輪到我瞓啦，晚安！🌙
