Lulu豬病，中醫爸爸急爆煲！(後續）- 照顧Lulu豬時自己都中招啦！
照顧Lulu豬時自己都中招啦！
最近照顧 Lulu豬 嘅時候，自己竟然中招咗…高燒成 40°C，發冷、咳嗽、頭痛、喉嚨痛，仲有黃稠痰，成套症狀包齊晒。
當然第一時間食藥啦！中西藥輪住上，但想睇下分別嘅效果，試咗幾款藥：
Day 1：樂X感冒零
食咗兩次，體溫降到 38°C 左右，發冷同頭痛消失咗，但其他症狀依然存在。
同晚：特效幸X傷風素
食咗兩次，體溫仲係 38°C，咳少咗，但特別嘅係 食第2次之前發冷症狀勁到震晒，連粒藥都差啲開唔到嚟食…唔知乜原因。不過到第二日中午，體溫都冇再升返到40°C，只係仲有啲發冷、咳勁多痰、喉嚨痛同失聲。
中醫爺爺出馬+雪梨茶救場
中醫爺爺幫我開咗中藥，再一路飲雪梨茶（做法喺之前分享過嘅post），慢慢喉嚨痛減輕，聲音都出返嚟，痰由黃變清，仲順便清咗啲宿便，真係覺得成個人都輕咗好多。到夜晚，終於退燒喇！
屋企有個中醫爸爸，真係好呀～
薑艾包+沖涼神器，發冷救星！
發冷嘅時候，沖暖水涼真係舒服啲！不過我發現家中 坐月用剩嘅薑艾包 再出場，效果一流！
- 浸法：將薑艾包加水煮，坐喺浴缸浸半身，然後用花灑由頭到腳沖暖水，好暖又好舒服！
- 好處：唔澀眼，最後只需用清水沖一沖就搞掂。